شلها يابن عياش<<<><><>

[معاند بحر]

يابن عياش شليت القصيده
وكسر ظهري اسم منهو حواها
ثقيل اسمك مثل ثقل الحديده
اسم شاعر قصايده اهتواها
شعرك اليوم يامطلق فقيده
تبنيت القصايد بانتماها
وانا ذاليوم ابي اسمع جديده
قصيده نرتوي من عذب ماها
;););););)
سمعنا يابن عياش والمجال مفتوووح للشعراء الموجودين اللي حابين يشاركووون:):):)

[مطلق ابن عياش]

الله الله ،،

صح لسانك شاعرنا معاند وكفوك الطيب ماعليك زود نفدى خشمك ،،

ولعيونك والله لارتجلك جديدي الحين وتستاهل الطيب يامعاند بحر ،،

يقول السبيعي يوم ينشد عن آخر شي == وانا لجل عينه برتجــل كــل مايــطــــرب
انا البارحه يوم العرب راقده بالـــحــي == زهقت الرقاد وقمت اغني كما المـطـــرب
تغنيت في غرو الكويت وسنين الضـي == على تل قلبي تل كبدي من الــمـــغــــرب
اداري وصاله دام داره بعـيـــده لــــي == وأجنب جروحن تتعبه كل مايــــقــــــرب
ابيع الهواء بأبيات والشارده له فــــي == تزهلت بالجزلات لامن بــغــى يـــشـــرب
الا ياوجودي وجد من فاقدن له شـــي == وجوده لزم وان غاب قام الهوى يضرب
تغنيت يامعاند لجل عينك انــــت بـــذي == جديده من الخافق قبل يذن المــغـــــرب

[ابن ملفي]

معاند بحر .... مطلق بن عياش

جميل جداً هاذا العطاء والارتجال لا هنتو وبيض الله وجيهكم وننتظر المزيد ( ترا الربع طماعه ) هههه

[معاند بحر]

صح لسانك يابن عياش,,
والله يقربك لغروك والله لا يحرمك منه ,,ههههه

وجهك ابيض يابن ملفي,,
وابشر بالسعد انت وكل الاخوان بالنتدى,,
وان شاء الله مانذخر عليكم بشي لا انا ولا ابن عياش ولا اي شاعر بهالصرح الشامخ,,

[عاشق]

الأخ معاند بحر
ياليتك تغني القصيده قبل لاتننزلها بالمنتدى عشان تعرف هي موزونه وإلا لا
تراني أحبك لاتحسبني عدو يوم أنصحك
وللمعلوميه تراء يجي منك يعني يبي لك تطوير جعلني مابسيك ...

حبيبك عاشق

[رعبوبة الغلباا]

الله الله

صحت ألسنتكم اخواني

لاعدمنآآ وجودكم ياكبار ..

لاهنتوا

[معاند بحر]

اقتباس:
المشاركة الأصلية كتبت بواسطة عاشق http://www.alglba.com/vb/alglbacom/buttons/viewpost.gif (http://www.alglba.com/vb/showthread.php?p=122208#post122208)
الأخ معاند بحر
ياليتك تغني القصيده قبل لاتننزلها بالمنتدى عشان تعرف هي موزونه وإلا لا
تراني أحبك لاتحسبني عدو يوم أنصحك
وللمعلوميه تراء يجي منك يعني يبي لك تطوير جعلني مابسيك ...

حبيبك عاشق



يعطيك العافيه اخوي عاشق والله ان غلاك مايقدر عندي وانا اخوك
وما اقوله مجامل لا والله بالعكس وان شاء الله ما هنا زعل ماينزعل من
الحق وانا اخوك
لاكن بصراحه وين الكسر اللي تقوله بالابيات انا ماشوف شي!
بعدين القصيده شيله ياعاشق
يعني كيف انكسر لبيت وانا شايلها شيله؟!!

[معاند بحر]

صح بدنك رعبوبه

[عاشق]

ههههههههههههههههه

أخوي معاند بحر
رفعت ضغك صح ....... أخوي معاند أنا أخترتك من بد كل الأعضاء
عشان أمازحك وأستفزك بس بصراحه طلعت واثق
وهذا طال عمرك من طيب راسك
أعذرني للمره الأخيره لما بدر مني
وانت شاعر واعد.

[معاند بحر]

هههههههههههههههههههههههههههههه
يالبا قلبك ياعاشق,,
واثق الخطى مشي ملك<<<<<خوفي والله يطيح في حفره
ههههههههههههههههههههههههههههههههه

[عاشق]

عساها دوم هالضحكه

سعدت بتواصلك