لو سمحتوا يا نسابه سبيع

[سلومنا كذا...]

السلام عليكم ..


عندي استفسار عن عائلتين في المنطقه الشرقيه بعض عيالهم

يقول أنهم من سبيع ،

وشباب من سبيع يقولون العكس .


السؤال وبما ان الموقع رسمي

1 - هل عائله الجاسم وهم تجار واظنهم وكلاء ال جي من قبيله سبيع ؟

2 - والعائله الثانيه هي البطاط واصلهم من الحسا وهم سنه

يقولون انهم سبعان هل كلامهم صحيح ؟



وعندي اقتراح لسبيع :

المنطقة الشرقيه وخصوصا الحسا كثير من العوايل تقول انها سبيعيه .

ليش ماتنزلون بيان باسم العوايل اللي اصلها سبيعي وساكنه بالحسا ؟

علشان مب كل شوي طالع واحد يقول انا سبيعي .

[الذيب]

كلام صحيح يجب إحصاء جمع عشائر سبيع وتثبيتها
بمواقع القبيله الاربعه لقطع الطريق على المنتسبين
لسبيع بالكذب ,,,

شكرا وجهة نظر صائبه

[سلومنا كذا...]

الاخ ذيب الجبور لاهنت على المشاركة .



الاخ ردود


تقدر تقول انهم لاينتمون لسبيع باسلوب افضل من كذا .


يا جماعه اللي بيرد يحاول مايجرح بالعوايل الكريمه ،

لاتزعل علي يا ردود

وانتظر مشاركاتكم يا ابناء سبيع ولا عليكم امر .

[ردود]

احترامي لجميع العوائل الله يستر عليهم أسر كريمه لكنهم ليسوا من سبيع

اعتذر اخوي سلومنا كذا...

الله لا يجيب زعل

[سلومنا كذا...]

اعتذر اخوي سلومنا كذا...

الله لا يجيب زعل


ماصار الا الخير يا ردود .


والمعلومه اللي تفضلت فيها بناء على تحري او مجرد توقع ؟

ارجو الرد الوافي من الاخوان لو تكرموا .

[قريشي وربي الله]

مامهم سبعان

اان رحت للعيون في المنطقه الشرقيه

وكل ماوقفني عسكري قلبها حنك معي على بالها انه سبيعي

وجيت استاجر عندهم واثرني كاتب على القزاز على الموتر

الغلبا القريشي

وعاقبوني ورعانهم حنا سبعان

قلت لهم الله يصلحكم

وفي النهايه ماهم سبعان

خذ العلم

اذا قالو انهم سبعان اضحك بس

ترا الضحك في هالزمن زين

[ردود]

إن شاء الله ماصار إلا كل خير

لا مو مجرد توقع

اهل مكه ادرى بشعابها

[سلومنا كذا...]

وفي النهايه ماهم سبعان

خذ العلم




تسلم يا قريشي .


ترى الجاسم مالهم علاقه بالحسا ،

البطاط من الحسا، لكن ماادري هم من العيون او مكان ثاني .

[سلومنا كذا...]

لا مو مجرد توقع

اهل مكه ادرى بشعابها


المشكله ياخي ان نسابه سبيع وخصوصا بالنت ساكتين ماادري ليش ؟


اذا كان فعلا مهم من سبيع ليش مخلينهم ياخذون راحتهم بالانتساب

لقبيله سبيع ؟


لا هنت يا ولد الاجواد على الرد .

[ردود]

ههههه تقول ياخذون راحتهم بالانتساب لقبيلة سبيع

عادي هذا انترنت حتى الصلب يقدرون يدخلون بمعرف قبايل ويقول لك انا قبيلي ماهوب صعب مافيه اسهل منه وتلاقيه متعصب بعد ههههههه

واللي اعجب ممكن يقول الصلبي لشيخه يالصلبي تراها سهله ماهوب صعبه

العبد لامنه شبع صار يرمح بيدينه ورجلينه

زمن عجايب والدنيا تدور

[ردود]

وازيدكم من الشعر بيت

احد مواقع قبيلة سبيع الغلبا معروف ومشهور وزواره كثيرين

للأسف لقيت به عوائل كثيره من الاحساء يعتبرون من ساير الناس ولازقينهم بقبيلة سبيع

بكره بتناظر حتى الهنود لما تسأله وش قبيلتك بيقولك انا سبيئي هههههههههه

عاد الله لا يهينك تقول له والنعم ههههههههههههه

[منصور بن راجح]

السلام عليكم رجاء الرد مايكون بالاستهزاء والضحك

كلنا نرجع لاادم وحواء

لكن القبائل معروفه والاسر الكريمه والعزيزه معروفه

وان انتسبوا لقبيلتنا فهذا من سلاسه هذه القبيله المعروفه

وكما ذكرنا سبعان العيون معروفين والبطاط والجاسم حياكم الله بيننا اخوه عزيزين

وبارك الله فيكم

[ردود]

القبايل معروفه والاسر الكريمه معروفه هذا صح

اما انهم ينتسبون للقبايل هذا غير مقبول مراعاة لاختلاط الانساب مستقبلاً مع الأجيال القادمه

انا مااقصد الاستهزاء وصحيح كلنا من ادم وحواء وكلنا مرجعنا للتراب وان اكرمكم عند الله اتقاكم لكن هذا عرف ومذكور حتى بالشرع مسألة الكفاءة

و اذا كان على الضحك انا احياناً اضحك على التناحر اللي يصير مع ان كل واحد عارف نفسه

[بوسيف]

السلام عليكم ورحمة الله وبركاتة
أحي الشباب القائمين على المنتدى الرائع منتدى قبيلة سبيع واحيي الأعضاء المشتركين فية

انا مشترك في المنتدى لأبين نقطة معية عن عائلة (البطاط) انا من عيالهم
اولا المعروف انا عائلة البطاط هي لقب للجد الكبير لهاذه العائلة هو (بطاط) لقبوه لما نزح من نجد ألى منطقة الأحساء لهروبة من دم وهذا معروف عن العوايل والقبايل الثانية ونحن نرجع للصميلي وخوالنا الصميلي إلي ساكنين بالعيون لنا نسابة عريقة بهم.

وعلى فكرة الأخوان إلي علقو بستهزاء انا ماألومهم لانهم ماحد يرضى ينتسب لقبيلة ماهو منها ولا احنا نرضى ننسب نفسنا لقبيلة محنا منها كلن له كرامتة يارجال.

وفي النهاية كلن عارف اصلة ولا احد يشكك في اصول الغير لان مانت شيخ القبيلة عشان تحكم إذا كان الشيخ ماجد بن جروة يشهد انت تجي تتكلم بكلام مانت قده ترى هذي انساب ماهي لعب عيال وإلي عنده أي أستفسار أنا جاهز.

والسلام عليكم ورحمة الله وبركاتة

[بووالم السبيعي]

السلام عليكم .. اشكر من نزل الموضوع في هذا المنتدى الكبير

عن عائلة البطٌاط هي احد العوائل اللتي تنتمي لسبيع التي ترجع للصميلي السبيعي

وصحيح كلام بوسيف ان جدهم نازح من نجد بالأصح من الرماح والسبب مجهول لكن اتوقع مثل ماقال الأخ بوسيف انه والله اعلم هارب من دم ..

والمعروف عن جدهم انه عاش فترة بالحسا ولقبوه بطاط .. ولهم نسابة من مبطي بالعمر الصميلي السبيعي .

وعلى فكرة انا قابلت منهم رجال لا اشكالهم ولا هرجهم من اهل الحسا .. واللي عاب عايلة البطاط عاب نفسة ماعابهم..

والمشكلة فسبيع في عوايل كثيرة تنتمي لها وفي عوايل ماتنتمي لسبيع لكن نفس المسمى

مثال عائلة المنصور المتواجدة برغبة في نجد هم سبعان العرينات ومثل المنصور الأحساء لاينتمون لسبيع لكن يتشابهون في نفس الأسم . ارجو من الأخوان الا يتكلمون في امور مايفهمونها زين ..

((صاير هاليومين الورع ب13 سنة شيخ القبيلة يربط ويحل)) .

وشكرا على هالموضوع ياصاحب الموضوع

[بوسيف]

ماحدعنده اي استفسار؟

[ليوونه]

بو والم كلامك صحيح جدا ..



ويعطيك العافيه على الموضوع ..


دمت بود .

[الاد صامل]

بخصوص عائلة البطاط وارتباطها بصملة العيون

استفسرت وقمت بالاتصال على احد الاقارب بااسكان الحرس الوطني الذين تربطهم مع صملة العيون زيارات ودعوات ومواجيب..فطلبت منه يسالهم عن البطاط ..فوالله العظيم انهم لايرتبطون بعائلة العمر لا من قريب ولا من بعيد..وكل مايتداوله بعضهم من صله قرابه او نسب هو كذب ولا اساس له من الصحه..والله على ماقول شهيد..

[بوسيف]

السلام عليكم

يارجال من انت عشان تجي وتنفي النسابه أنا خوالي العمر الصميلي السبيعي
واذا انت مانك متأكد اسال عمامك الكبار ولاشيبانك ويعلمونك .

وعلى فكرة معروف ان عيال البطاط هم من االعصفور إلي من الدولة العصفورية إلي حكمت الأحساء .

وعايلة البطاط سكنت العيون والشقيق من قبل ومالنا إلا جد واحد عاش بالحسا إلي هو جدي الكبير والباقي كانو بنجد هذا والله أعلم.

[محمد بن سلطان]

السلام عليكم

يارجال من انت عشان تجي وتنفي النسابه أنا خوالي العمر الصميلي السبيعي
واذا انت مانك متأكد اسال عمامك الكبار ولاشيبانك ويعلمونك .

وعلى فكرة معروف ان عيال البطاط هم من االعصفور إلي من الدولة العصفورية إلي حكمت الأحساء .

وعايلة البطاط سكنت العيون والشقيق من قبل ومالنا إلا جد واحد عاش بالحسا إلي هو جدي الكبير والباقي كانو بنجد هذا والله أعلم.

اخي الفاضل ..

أولا : نحن نرحب فيكم في منتديات قبيلة سبيع الغلبا ، انتم وجميع الاخوه من القبائل .

ثانيا : انت تقول عائلة البطاط هم من آل عصفور اصحاب الدوله العصفوريه .. وهؤلاء لا علاقة لهم في سبيع سوى انهم ابناء عمومه معنا .. فـ آل عصفور من بني عقيل من بني كعب بن عامر بن صعصعه .. ولا علاقة لـ آل عصفور بالصمله ابدا ..

هذا والله اعلم ..

[بووالم السبيعي]

السلا عليكم .. توضيح بسيط

((رحماك يارب)) اولا قبل ماتطعن بأنساب الناس حدد نسبك علشان نعرف مع مين نتكلم .. ممكن انك من اهل الأحساء الحاقدين اللي دايم مايتبلون على اهل العيون انهم ماهم سبعان.. لأانه مضيع غنمة ولاهوب داري من وين مسقط راسه..هذي شغلة .. ثانيا .. تم التوضيح ان عائلة البطٌاط يرجعون للعصفور وهم عيال عم السبعان ومن الممكن ان حصل عندهم لبس لتقارب النسب وللنسب بينهم وبين العمر الصميلي ,,

((قريشي وربي الله)) يالقريشي من انت علشان تنكر سبعان العيون .. هم سبعان ونسبهم انقى من الماء وبيني وبينك نسبهم اوضح من نسب القريشات اللي انت تنتمي منها .. واذا بقولتك هم شارينها .. فالأحرى انك انت شاريها وتتبلى الناس .. (لأن كلن يرى الناس بعين طبعه) وعلى فكرة لاجيت تهرج بهالأمور رح اهرج عند صملة الخرمة وقلهم سبعان العيون اماهم بسبعان ووقتها راح تحفر قبرك.

((ردود)) الشرهه على من رد عليك .. لأانك انسان متكبر وواضح من كلامك.. ((لايدخل الجنة من كان في قلبه مثقال ذرة من كبر)) .. وصدقني ممكن الهندي احسن منك ياللي تعيبهم..

وأحب اقول الرسول قال ((اتركوها فأنها منتنه) الرسول اعظم نسب على وجهه الأرض مافاخر مثل مايفاخرون هالمتخلفين .. بالله تحظروا شوي وخولوا عنكم شغل الورعان..

ليس الفتى من قال ابي .. ولكن الفتى من قال انا

دايم اللي تشوفه يهرج بهالأمور به نقص بشخصيته او نقص بدينة او نقص فماله
اللهم لا تبلانا يارب .. ولا تعذبنا بما فعل السفهاء منا ..

والسلام عليكم ..

[Mosalm]

وأحب اقول الرسول قال ((اتركوها فأنها منتنه) الرسول اعظم نسب على وجهه الأرض مافاخر مثل مايفاخرون هالمتخلفين ..

ليس الفتى من قال ابي .. ولكن الفتى من قال انا

دايم اللي تشوفه يهرج بهالأمور به نقص بشخصيته او نقص بدينة او نقص فماله
اللهم لا تبلانا يارب .. ولا تعذبنا بما فعل السفهاء منا ..


سلمت وصح الله لسانك يا ابو الــم

[بنت ســــبيع]

أطلب من إدارة الموقع جزاهم الله خير وبارك الله فيهم أغلاق هذا الموضوع حيث أني قرأت في مشاركات ( قريشي وربي الله ) بأنه مات الله يرحمه ويغفر له ،، أنا ضايق صدري عليه تجيه ذنوب من ها الباب وهو محتاج للرحمة والدعاء ، وكذلك ياليت تغفلون موضوعه اللي كاتبه عن سبعان العيون ..

هذا الأمر راجع للإدارة ..

وقلت ذلك إشفاقاً على ( قريشي وربي الله ) رحمه الله وأدخله فسيح جناته ..

[بومسلم]

اخواني الكرام في المنتدى ارى في بعض الردود التجريح وصل الى مشائخ القبائل
وفي الايام الجايه شيخ ثاني وثالث ورابع الى مال نهايه
الى ان يكون السبعان كلهم شرينها بفلوسهم . شيئ غريب ؟؟؟؟؟.
وانا عتبي عتب المحب لهذا المنتدى الكريم انهم يقرأون الردود من غير تدخل سريع .

[بنت ســــبيع]

تصدق بالله يا أخي الكريم أحمد ربك جات على كذا ،

[بنت ســــبيع]

من يعرف ولد عمنا ( سعد بن زملة السبيعي ) بو فهد الله يرحمه .. كان من قبل ساكن في قرية جليجلة بالأحساء ويزور جدي دائمــــــــاً ويسمـــــــيه ولــــــــد عمي .. ثم أنتقل إلى مدينة ( بقيق ) وسكن بها هو وأبناءه .

[نهار بن هويدي]

يجب ألتقيد بأدب الحوار

[بنت ســــبيع]

يجب أحترام خصوصيات الأخرين